ಹುಟ್ಟಿ ಇಲ್ಲೇ ಕಳೆದ ಇಪ್ಪತ್ತೊಂದು ವರ್ಷದಲ್ಲಿ ಒಂದು ದಿನವೂ ಈ ಮನೆ, ಸುತ್ತಲಿನ ಮರಗಳು, ಹಿಂಬದಿಯ ಹಸಿರು ಗುಡ್ಡ ಇವೆಲ್ಲ ಒಂದು ಚಂದದ ಚಿತ್ರದಂತೆ, ಕನಸೊಂದರಲ್ಲಿ ಕಂಡ ಸುಂದರ ಲೋಕದಂತೆ ಅನ್ನಿಸಿರಲೇ ಇಲ್ಲ. ಆದರೆ ಇವತ್ತು, ಬೆಂಗಳೂರಿನ ಬಸ್ಸು ಏರಬೇಕಾದ ದಿನ ಸುಮ್ಮನೆ ಗುಡ್ಡ ಹತ್ತಿ ನೋಡಿದರೆ, 'ಅರೆರೇ ಚಿಕ್ಕಂದಿನಲ್ಲಿ ಬಾಲಮಂಗಳ, ಚಂದಮಾಮಗಳಲ್ಲಿ ಬರುತ್ತಿದ್ದ ಹಳ್ಳಿಯ ಮನೆಗಳ ಚಿತ್ರ ಹೀಗೇ ಇರ್ತಿತ್ತಲ್ವ!' ಅನಿಸುತ್ತಿದೆ.
ಎಷ್ಟೇ ಬೇಜಾರು, ಹಿಂಸೆ ಅನ್ನಿಸಿದರೂ ಏನೂ ಮಾಡುವಂತಿಲ್ಲ. ಬೆಂಗಳೂರು ಅನ್ನೋ ಖೂಳವ್ಯಾಘ್ರನಿಗೆ 'ಮೂರು ದಿವಸ ಊರಲಿದ್ದು ಬಂದು ಸೇರುವೆನಿಲ್ಲಿಗೆ' ಎಂದು ಪುಣ್ಯಕೋಟಿಯಂತೆ ಮಾತುಕೊಟ್ಟು ಬಂದಾಗಿದೆ. ಕೊಟ್ಟ ಮಾತಿಗೆ ತಪ್ಪದೇ, ಕೆಟ್ಟ ಯೋಚನೆ ಮಾಡದೇ ಬಸ್ಸುಹತ್ತಿ ಹೊರಡಲೇಬೇಕು :-(
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ