ಬುಧವಾರ, ಜುಲೈ 8, 2020

ಭರವಸೆ

(ಉದಯವಾಣಿ 2020ರ ಯುಗಾದಿ ವಿಶೇಷಾಂಕದಲ್ಲಿ ಪ್ರಕಟಿತ)

"ನಾನು ಬದುಕುತ್ತೇನಾ ಡಾಕ್ಟ್ರೇ? ನನ್ನ ಮೊಮ್ಮಗುವಿನ ಮುಖ ನೋಡುತ್ತೇನಾ ಡಾಕ್ಟ್ರೇ?"

ಜಗತ್ತಿನ ದೈನ್ಯತೆಯೆಲ್ಲಾ ಮಾತಾಗಿ ಹರಿಯುತ್ತಿರುವಂತೆ ಅವಳು ಕೇಳಿದಳು.

"ಹೆದರಬೇಡಿ. ಒಂದಲ್ಲ, ಮೂರು ಮೊಮ್ಮಕ್ಕಳನ್ನು ನೋಡವಷ್ಟು ಗಟ್ಟಿಯಿದೆ ನಿಮ್ಮ ಆಯಸ್ಸು. ಅದಕ್ಕೆ ನಾನೇ ಗ್ಯಾರಂಟಿ!"

ಅವಳ ಮುಖದಲ್ಲಿ ಧೈರ್ಯದ ಗೆರೆಯೊಂದು ಮೂಡುವ ತನಕ ಸಮಾಧಾನ ಹೇಳಿದ ಡಾಕ್ಟರು ತಮ್ಮ ಕ್ಯಾಬಿನ್ ಗೆ ಹೋಗಿ ರಿಪೋರ್ಟೊಂದನ್ನು ಹಿಡಿದು ಮನೆಗೆ ಹೊರಟರು. ಕೆಲವೇ ದಿನಗಳ ಕೆಳಗೆ ತಮ್ಮದೇ ಅನಾರೋಗ್ಯವನ್ನು ತಪಾಸಣೆ ಮಾಡಿಸಿ ಪಡೆದ ಅದರಲ್ಲಿನ ಸಾರಾಂಶ ಸ್ಪಷ್ಟವಾಗಿತ್ತು:

ನಾಲ್ಕನೇ ಹಂತದ ಕ್ಯಾನ್ಸರ್ ತಲುಪಿರುವ ಈ ರೋಗಿಯಿನ್ನು ಹೆಚ್ಚೆಂದರೆ ಆರು ತಿಂಗಳು ಬದುಕಬಹುದು.

ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಬ್ಯಾಚುಲರ್ ಬದುಕಿನ ಬಾನ್ಗಡಿಗಳು...

ಅದೊಂದು ಅಮಾಯಕ ಟೆರಾಸ್. ಮೂರನೇ ಫ್ಲೋರಿನ ತುತ್ತತುದಿಯಲ್ಲಿ ನಿಶ್ಯಬ್ದವಾಗಿ ಮಲಗಿದೆ. ಸಮಯ ರಾತ್ರಿ ಹನ್ನೆರೆಡೂವರೆ. ಕೆಳಗಡೆ ಬೀದಿಯಲ್ಲಿ ಅಂಡಲೆಯುತ್ತಿರುವ ನಾಯಿಗಳಿಗೂ ಆಕ...